नेपाल प्रिमियर लिग (NPL) को १२ औं खेल पोखरा एभेन्जर्स र विराटनगर किंग्स त्रिभुवन विश्वविद्यालय अन्तर्राष्ट्रिय क्रिकेट मैदानमा हुँदा, अन्तमा पोखराले विराटनगरलाई सुपर ओभरमा हराएको छ।
एनपीएलकै पहिलो सुपर ओभर खेल्दा पोखरा एभेन्जर्सले ब्याटिङ गर्दै १८ रन बनाएर १९ रनको टार्गेट दिएको थियो र त्यस टार्गेटलाई पछ्याउने क्रममा विराटनगरले १ विकेट गुमाएर मात्र ५ रन बनाउन सफल भएको थियो।
त्यसअघि नेपाल प्रिमियर लिगको २० ओभर खेलमा विराटनगरले १३९ रन बनाएर १४० टार्गेट दिँदा ७ विकेट गुमाउनु परेको थियो । त्यसै गरि निर्धारित लक्षलाई पछ्याउँदै पोखरा एभेन्जर्सले २० ओभरमा ६ विकेट गुमाएर १३९ रन बनाए पछि सुपर ओभर खेल हुन पुगेको हो।
